اَلْبَاقِلَّى [el-bâḵillâ] (lâm’ın teşdîd ve tahfîfi ve kasr ile) ve
اَلْبَاقِلَاءُ [el-bâḵilâ΄] (lâm’ın tahfîfi ve medd ile) فُولٌ [fûl] ismidir ki bakla taʹbîr olunan galledir; müfredinde بَاقِلَاءَةٌ [bâḵilâ΄et] denir hâ’yla, ʹalâ-kavlin müfred ve cemʹi berâberdir. Tenâvülü riyâh-ı fâside ve uykuda ahlâm-ı rediyye yaʹnî fenâ΄ ve muhtelif düşler görmeği mûris ve seder ve hemm ve ahlât-ı galîzayı müvellid ve suʹâle ve tarâvet-i bedene nâfiʹdir. Ve baʹzı muslihler ile ıslâh olunmuşu hıfz-ı sıhhat bâbında mü΄essirdir ve zencebîl ile tâzesini tenâvül takviyet-i cimâʹda bî-ʹadîldir.
Sitemizde detaylı hızlı ve kolay arama ekranı