اَلْبُسَّذُ [el-bussež] (سُكَّرٌ [sukker] vezninde) Mercâna denir ve bu muʹarrebdir. Hafî olmaya ki mercân dedikleri nesneye hacer-i şecerî ıtlâk olunur, zîrâ hacer ve şecer beyninde berzah, kaʹr-ı deryâda nâbit bir şey΄dir. Gavvâslar köküne bir ilmekli kemend geçirip baʹdehu taşradan zor ile çekip çıkarırlar, şems ve havâ dokundukta cumûdet ve humret peydâ eder. Hindîde ona pitvali derler, Fârisî ve Türkîsi mercândır. Ve asl ʹArabîde مَرْجَانٌ [mercân] incinin hurdesine denir. Mü΄ellifin burada murâdı ʹArabiyy-i sahîh olan değildir. Ve baʹzılar köküne مَرْجَانٌ [mercân] ve şâhına بُسَّذٌ [bussež] denir diye beyân eylemiştir. Ve Miṡbâḩ’ta Ṯarṯûşî, ʹArabî olduğunu işʹâr eylemiştir. Ve bu bused-i Fârisî muʹarrebidir ki ihmâlledir.
Sitemizde detaylı hızlı ve kolay arama ekranı