اَلتَّصْرِيفُ [et-taṡrîf] (تَفْعِيلٌ [tefʹîl] vezninde) Bir nesneyi pek çevirip döndürmek maʹnâsınadır; yukâlu: صَرَّفَهُ تَصْرِيفًا بِمَعْنَى صَرَفَهُ مُبَالَغَةً Ve işbu ﴿وَلَقَدْ صَرَّفْنَا﴾ kerîmesinde vâkiʹ تَصْرِيفٌ [taṡrîf]te murâd tebyîn-i âyâttır. Ve derâhim ve beyʹâtta تَصْرِيفٌ [taṡrîf] infâk ve tervîc eylemektir. Ve تَصْرِيفُ الرِّيَاحِ [taṡrîfu’r-riyâḩ] rüzgârları bir semtten semt-i dîgere tahvîl eylemektir, meselâ poyrazı lodosa tahvîl gibi. Ve تَصْرِيفُ الْخَمْرِ [taṡrîfu’l-ḣamr] hâlis şarâb içmekten ʹibârettir. Ve
تَصْرِيفٌ [taṡrîf] Bir kimse bir âher adama kendi emr ve maslahatına tasarruf eylemek bâbında izn-i küllî vermekle mutasarrıf kılmak maʹnâsınadır; tekûlu: صَرَّفْتُهُ فِي الْأَمْرِ إِذَا قَلَّبْتَهُ
اَلتَّصْرِيفُ [et-taṡrîf] (ʹalâ-vezni اَلتَّكْرِيم [et-tekrîm]) Bir kimseye tasarruf etmeğe ruhsat vermek; tekûlu: صَرَّفْتُ الرَّجُلَ فِي أَمْرِي تَصْرِيفًا فَتَصَرَّفَ فِيهِ
Sitemizde detaylı hızlı ve kolay arama ekranı