اَلتَّوْدِيرُ [et-tevdîr] (تَكْدِيرٌ [tekdîr] vezninde) Bir adamı bir mehlekeye düşürmek, ʹalâ-kavlin teşvîk ve igrâ eylemekle mehlekeye îkâʹ eyleyecek nesneye mütekellif ve mürtekib eylemek maʹnâsınadır ki perendeden atmak ve yardan uçurmak taʹbîr olunur; yukâlu: وَدَّرَ فُلاَنًا تَوْدِيرًا إِذَا أَوْقَعَهُ فِي مَهْلَكَةٍ أَوْ أَغْرَاهُ حَتَّى تَكَلَّفَ مَا وَقَعَ مِنْهُ فِي مَهْلَكَةٍ Ve bir semte elçi yollamak maʹnâsınadır; yukâlu: وَدَّرَ رَسُولَهُ إِذَا بَعَثَهُ Ve bir şerr ve kerîheyi bertaraf eylemek maʹnâsınadır; yukâlu: وَدَّرَ الشَّرَّ إِذَا نَحَّاهُ وَبَعَّدَهُ Ve bir adama igvâ verip gümrâh eylemek maʹnâsınadır; yukâlu: وَدَّرَ فُلاَنًا إِذَا أَغْوَاهُ Ve beyhûde isrâf-ı mâl eylemek maʹnâsınadır; yukâlu: وَدَّرَ فُلاَنًا مَالَهُ إِذَا بَذَّرَهُ وَأَسْرَفَ فِيهِ
Sitemizde detaylı hızlı ve kolay arama ekranı