اَلْحُرْقُوصُ [el-ḩurḵûṡ] (ḵâf’la عُصْفُورٌ [ʹuṡfûr] vezninde) Pire gibi bir küçük böcektir, arı iğnesi gibi iğnesi olur, ʹalâ-kavlin kene dedikleri böceğe şebîh olur, insânın gövdesine yapışır. ʹİnde’l-baʹz bok böceğinden küçük bir böcektir ki tulumları ve kırbaları delip ve bâkire kızların ferclerine sokulur; حَرَاقِيصُ [ḩarâḵîṡ] cemʹidir. ʹArabların عَاشِقُ الْأَبْكَارِ [ʹâşiḵu’l-ebkâr] dedikleri böcek olacaktır. Ve
حُرْقُوصٌ [ḩurḵûṡ] Hurmânın yeşil koruğunun çekirdeğine denir. Ve Ḩurḵûṡ b. Mâzin, Temîm kabîlesinden bir kimsedir. Ve Ḩurḵûṡ b. Zuheyr mukaddemâ ashâbdan olup baʹdehu zamân-ı hilâfet-i Hazret-i Kerrârî’de Ḣâricî oldu.
اَلْحُرْقُوصُ [el-ḩurḵûṡ] (ḩâ’nın ve ḵâf’ın zammı ve râ’nın sükûnuyla) Pire üslûbunda bir böcektir ki gâh olur kanadı bitip uçar.
Sitemizde detaylı hızlı ve kolay arama ekranı