اَلدِّفْلُ [ed-difl] (dâl’ın kesriyle) ve
اَلدِّفْلَى [ed-diflâ] (ذِكْرَى [žikrâ] vezninde) Bir cins merâretli nebt yaʹnî şecer ismidir ki Fârisîde ona har-zehre denir, Türkîde ağu ağacı dedikleridir ki halk ona zakkûm ağacı derler. Çiçeği hoş-manzar ve kırmızı ve baʹzı sarı ve siyâh ve yaldırayıcı olur; bâgçelerde tezyîn için yetiştirirler; matbûhunun tılâsı cereb ve حِكَّةٌ [ḩikket]e ve zımâdı diz ve arka ağrılarına müfîd ve hâneye reşy tard-ı berâgîs husûsunda mü΄essir ve lübbünü baʹde’l-inḵâ΄ on iki defʹa tılâ baras ʹilletini izâlede nâfiʹdir ve çiçeği kattâldir. Ve
دِفْلٌ [difl] Katrâna ve zifte denir.
Sitemizde detaylı hızlı ve kolay arama ekranı