اَلسَّجَسُ [es-seces] (sîn’in ve cîm’in fethiyle) Su bulanıp mütegayyir olmak maʹnâsınadır; yukâlu: سَجِسَ الْمَاءُ سَجَسًا مِنَ الْبَابِ الرَّابِعِ إِذَا تَغَيَّرَ وَكَدِرَ
اَلسَّجِسُ [es-secis] (كَتِفٌ [ketif] vezninde) ve
اَلسَّجِيسُ [es-secîs] (أَمِيرٌ [emîr] vezninde) Vasflardır, bulanıp mütegayyir olmuş suya denir; ve minhu tekûlu: لاَ آتِيكَ سَجِيسَ اللَّيَالِي وَسَجِيسَ الْأَوْجَسِ بِفَتْحِ الْجِيمِ وَسَجِيسَ الْأَوْجُسِ بِضَمِّ الْجِيمِ وَسَجِيسَ عُجَيْسٍ أَيْ أَبَدًا Yaʹnî vech-i mezkûr üzere سَجِيسٌ [secîs] bir yerde çok durmakla mütegayyir olmuş suya denmekle bu münâsebetle hemîşe ve ebedî ve dâ΄imî mahallinde istiʹmâl olundu. Hâsıl-ı maʹnâ: “Geceler ve dehr mevcûd oldukça ben sana varmam demektir.” Gecelerin ve dehrin vücûda gelmediği yoktur, pes ben dahi hiç varmam demek olur. Ve عُجَيْسٌ [ʹuceys] lafzı âhir maʹnâsına olmakla te΄kîd olur.
اَلسَّجَسُ [es-seces] (fethateynle) Mütegayyir olan su ve su mütegayyir olmak maʹnâsına dahi gelir. Cevherî’nin sevk-i kelâmından ve nüshaların zabtından fehm olunan budur ki zikr olundu. Ammâ sâ΄ir kitâbların nakline ve kâʹideye muvâfık olan budur ki سَجَسٌ [seces] fethateynle masdar ve سَجِسٌ [secis] cîm’in kesriyle sıfat olup sudan ʹibâret ola; yukâlu: سَجِسَ الْمَاءُ مِنَ الْبَابِ الرَّابِعِ إِذَا تَغَيَّرَ Ve bu Ebû ʹUbeyd rivâyetidir.
Sitemizde detaylı hızlı ve kolay arama ekranı