الطَّيِّءُ [eṯ-Ṯayyi΄] (سَيِّدٌ [seyyid] vezninde) Yemen’de bir kabîlenin pederi ismidir ki kabîle-i merkûme onunla müştehirdir; aʹzam-ı kabâ΄il-i ʹArabdır, Ḩâtim o kabîledendir. Zikr olunan طَاءَةٌ [ṯâ΄et] mâddesinden me΄hûzdur baʹîdü’l-merâʹî olmak hasebiyle yâhûd “طَاءَ-يَطُوءُ” mâddesinden me΄hûzdur ki gidip gelmek, teredddüd maʹnâsınadır; yukâlu: طَاءَ الرَّجُلُ يَطُوءُ طَوْءًا إِذَا ذَهَبَ وَجَاءَ Nisbetinde طَائِيٌّ [ṯâ΄iyy] denir hilâf-ı kıyâs üzere, zîrâ kıyâs طَيِّئِيٌّ [ṯayyi΄iyy] olmaktır طَيِّعِيٌّ [ṯayyiʹiyy] vezninde, yâ-yı ûlâ-yı sâkineyi gayr-i kıyâs üzere hazf edip yâ-yı sâniyeyi elif’e kalb eylediler; zîrâ kıyâsta sevâkin kalb olunmaz. Cevherî vehmine mebnî kalbi, hazf üzere takdîm eyledi.
Sitemizde detaylı hızlı ve kolay arama ekranı