اَلْغِرْيَلُ [el-ġiryel] (حِذْيَمٌ [ḩižyem] vezninde) Havuz dibinde kalan çamura denir. Ve toza denir; غُبَارٌ [ġubâr] maʹnâsına. Ve şol çamura denir ki sel suyu getirip yerin yüzünde yarılıp kalmış ola, gerek yaş ve gerek kuru olsun. Ve her bütün tırnaklı hayvânın sümüğüne denir. Ve şol göle denir ki suyu çekilip dibinde دَعَامِيصُ [deʹâmîṡ] yaʹnî it balığı dedikleri siyâh hurde böcekler kalmış ola ki onda kalan suyun içilmeğe imkân ve salâhiyyeti olmaya. Ve şîşenin dibinde kalan yağ makûlesinin posasına ve tortusuna denir.
اَلْغِرْيَلُ [el-ġiryel] (ġayn’ın kesri ve yâ’nın fethiyle) ve غِرْيَنٌ [ġiryen] vezn-i mezbûr üzere havzda ve gölde bâkî kalan sudur ki içinde it balığı ve sâ΄ir böcekler kalır. Ve kârûrenin dibinde kalan çöküntüye dahi derler. Bu zikr olunan Ebû ʹAmr rivâyetidir. Ve Aṡmaʹî eyitti: غِرْيَلٌ [ġiryel] şol yufka kuru balçıktır ki yer yüzünde sel suyu eğlenip çekildikten sonra hâsıl olur. Ve Ebû Zeyd Kitâb-ı Maṯar’da eyitti: غِرْيَلٌ [ġiryel] selden kalan balçıktır, gerek ratb olsun gerek yâbis olsun.
Sitemizde detaylı hızlı ve kolay arama ekranı