اَلْغَزَارَةُ [el-ġazâret] (خَسَارَةٌ [ḣasâret] vezninde) ve
اَلْغَزْرُ [el-ġazr] (ġayn’ın fethiyle) ve
اَلْغُزْرُ [el-ġuzr] (ġayn’ın zammıyla) Hayvânın sütü ve pınarın suyu firâvân olmak maʹnâsınadır; yukâlu: غَزُرَتِ النَّاقَةُ مَثَلاً غَزَارَةً وَغَزْرًا وَغُزْرًا مِنَ الْبَابِ الْخَامِسِ إِذَا كَثُرَ دَرُّهَا Ve mutlakan bir nesne çok olmak maʹnâsınadır; yukâlu: غَزُرَ الشَّيْءُ إِذَا كَثُرَ Ve hayvân sütünü kesret ve vefretinden nâşî idrâr eylemek maʹnâsınadır; yukâlu: غَزُرَتِ الْمَاشِيَةُ إِذَا دَرَّتْ أَلْبَانُهَا
اَلْغَزْرُ [el-ġazr] (ġayn’ın fethi ve zâ’nın sükûnuyla) İsmdir, ضَرْبٌ [ḋarb] misâlinde çokluk maʹnâsına.
اَلْغُزْرُ [el-ġuzr] (ġayn’ın zammı ve zâ’nın sükûnuyla) Cemʹidir, جَوْنٌ [cevn]le جُونٌ [cûn] gibi, cîm’in fethiyle evvelde, zammıyla sânîde. Ve جَوْنٌ [cevn] ebyaza ve esvede ıtlâk olunur, azdâddandır ve حَشْرٌ [ḩaşr]la حُشْرٌ [ḩuşr] gibi; yukâlu: أُذُنٌ حَشْرٌ بِفَتْحِ الْحَاءِ وَآذَانٌ حُشْرٌ بِضَمِّ الْحَاءِ Ve حَشْرٌ [ḩaşr] latîf ve endâmlı demektir.
Sitemizde detaylı hızlı ve kolay arama ekranı