اَلْكُنْتُنِيُّ [el-kuntuniyy] (nûn ziyâdesiyle) كُنْتِيٌّ [kuntiyy] maʹnâsınadır; yukâlu: رَجُلٌ كُنْتِيٌّ وَكُنْتُنِيٌّ أَيْ كَبِيرٌ Mü΄ellif bunları “ك،و،ن” mâddesinde dahi resm eylemişken zâhiri iʹtibârıyla burada dahi sebt eyledi. Ve bunlar “ك،و،ن” mâddesinden me΄hûzlardır, niteki Nihâye-i İbn Ešamp;îr’de bu resme mastûrdur ki: وَ فِي الْحَدِيثِ “أَنَّهُ دَخَلَ الْمَسْجِدَ وَعَامَّةُ أَهْلِهِ الْكُنْتِيُّونَ” أَيِ الشُّيُوخُ الَّذِينَ يَقُولُونَ كُنَّا كَذَا وَكَانَ كَذَا وَكُنْتُ كَذَا فَكَأَنَّهُ مَنْسُوبٌ إِلَى كُنْتُ Yaʹnî bu taʹbîr gûyâ ki كُنْتُ mâddesine mensûbdur. ʹArab ondan tasarruf eylediler. Yaşlı pîr adamlar “Ey cânım, bir vaktte ben şöyle olmuştum, şimdi böyle oldum” demeleriyle kavl-i mezbûre nisbetle pîr adama كُنْتِيٌّ [kuntiyy] ve mübâlagaten nûn ziyâdesiyle كُنْتُنِيٌّ [kuntuniyy] ıtlâk eylediler. Ve bunların nisbetleri hitâbla كُنْتَ [kunte] mâddesine de olmak câ΄izdir ki “Babalık, sen evvel şöyle idin, şimdi böylece...” Meselâ “Harîf ve maʹtûh gibi bir maʹnâ oldun” kavline mensûb olur.
Sitemizde detaylı hızlı ve kolay arama ekranı