اَلْمِلْطَاطُ [el-milṯât] (mîm’in kesriyle) Dağın tepesinde ve bir tarafında olan sivri buruna denir. Ve bezir yağı değirmenine denir. ʹAlâ-kavlin el değirmeninin eline denir ki ona yapışıp döndürürler. Ve derenin ve denizin kıyısına denir. Ve çok sülûk olunmuş yola denir. Ve ekmek açacak oklavaya denir. Ve duvarcıların duvar sıvayacak malalarına denir ki bir nevʹine masrın taʹbîr olunur. Ve baş yarığı envâʹından سِمْحَاقٌ [simḩâḵ] maʹnâsınadır ki baş kemiğinin üzerinde olan zar gibi yufka deriye inen yarıktan ʹibârettir, ʹalâ-kavlin مِلْطَاطٌ [milṯâṯ] beyne bâlig olan yarığa denir. Ve devenin başının ortasında olan sivri kemiğe denir. Ve başın bir tarafına, ʹalâ-kavlin cümlesine yâhûd derisine yâhûd her şıkkına denir; ikisine مِلْطَاطَانِ [milṯâṯân] denir.
اَلْمِلْطَاطُ [el-milṯâṯ] (mîm’in kesri ve lâm’ın sükûnuyla) Bezir değirmenine derler. Ve devenin başının orta yerinde yaʹnî tepesinde olan sivri kemiğe dahi derler. Ve İbn Mesʹûd’un radıyallâhu ʹanhu: “هَذَا الْمِلْطَاطُ طَرِيقُ بَقِيَّةِ الْمُؤْمِنِينَ هُرَّابًا مِنَ الدَّجَّالِ” dediğinden murâd Fırât kenârıdır.
Sitemizde detaylı hızlı ve kolay arama ekranı