اَلْوَرِيدَانِ [el-verîdân] (سَعِيدَانِ [saʹîdân] vezninde) وَرِيدٌ [verîd]in tesniyesidir, boyunda iki damara ıtlâk olunur; her birine وَرِيدٌ [verîd] denir. Cemʹi أَوْرِدَةٌ [evridet] ve وُرُودٌ [vurûd] gelir. Mütercim der ki mü΄ellifin Baṡâ΄ir’de beyânına göre وَرِيدَانِ [verîdân] boynun iki tarafında baştan vârid iki damardır ki insân gazab-nâk oldukta misvâk gibi müntefih olur. Âyet-i kerîmede vâkiʹ حَبْلُ الْوَرِيدِ [ḩablu’l-verîd]den murâd bunların her biridir, izâfeti beyâniyyedir. Zemaḣşerî bi-maʹnâ’l-lâm olmağı tecvîz eylemiştir. Ve o iki damar وَتِينٌ [vetîn] dedikleri yürek damarına inip muttasıl olurlar. Ve bunda وَرِيدٌ [verîd] bi-maʹnâ fâʹildir, baştan vârid olduğu için yâhûd bi-maʹnâ mefʹûldür, mevrid-i rûh olduğu için. Vanḵulu merhûm garîb terceme eylemiştir, fe’lyunzar.
Sitemizde detaylı hızlı ve kolay arama ekranı