اَلْيَتُوعُ [el-yetûʹ] (tâ-yı fevkıyye ile صَبُورٌ [ṡabûr] vezninde) ve
اَلْيَتُّوعُ [el-yettûʹ] (تَنُّورٌ [tennûr] vezninde) Mutlakan sütlü olup tabîʹatı müshil ve muhrik ve mukattiʹ olan nebâta denir ki sütleğen taʹbîr olunur. Envâʹı çoktur. Meşhûru yedi gûne nebâttır. 1) شُبْرُمٌ [şubrum] 2) لاَعِيَةٌ [lâʹiyet] 3) عَرْطَنِيثَا [ʹarṯanîšamp;â] 4) مَاهُودَانَةٌ [mâhûdânet] 5) مَازَرْيُونُ [mâzeryûn] 6) عُشَرٌ [ʹuşer] 7) فَنْجَكَشْتُ [fencekeşt] dedikleri nebâttır. Ve işbu nebâtlar tarîkleriyle yaʹnî muslihlerini mezc ve evzânlarını kütüb-i tıbbiyyede bast eyledikleri üzere istiʹmâl olunmaz ise mühliktir. Ve bunda tâ’nın takdîmiyle de lügattır, niteki mahallinde zikr olundu.
Sitemizde detaylı hızlı ve kolay arama ekranı