اَلْيَاسَمُونَ [el-yâsemûn] (sîn-i meftûha ile) Maʹrûf çiçektir ki Türkîde yâsemîn taʹbîr olunur, envâʹı olur, latîf çiçektir, müfredi يَاسِمٌ [yâsim]dir, صَاحِبٌ [ṡâḩib] vezninde yâhûd هَاجَرُ [hâcer] ve عَالَمٌ [ʹâlem] veznindedir ve bunun عَالَمُونَ [ʹâlemûn] lafzından gayrı nazîri yoktur. Ve baʹzılar ʹindinde Fârisîden muʹarreb olmakla cemʹ mecrâsına cârî olmaz. Ve yâsemînin beyâz ve sarı nevʹi olur, istişmâmı pîr ve sâl-hordelere nâfiʹ ve sudâʹ-ı balgamîye ve zükâm ʹârızasına müfîd ve kuru olan meshûkunun zürûru şaʹr-ı esvedi mübeyyiz ve meshûk olan çiçeğinin suyundan bir ûkıyyesini üç gün mütevâliyen şürb rahimden akan demi katʹ eylemekte mücerrebdir.
Sitemizde detaylı hızlı ve kolay arama ekranı