اَلْحَوْفُ [el-ḩavf] (خَوْفٌ [ḣavf] vezninde) Deriden izâr şeklinde şakk olunmuş sevbe denir ki hâ΄iz nisvân ve sıbyân giyerler, ʹalâ-kavlin kırmızı meşini tasma tarzında tûlânî câ-be-câ dilip üzerine baʹzı hurde pul ve boncuk makûlesi zînetler üstüvâr eyledikten sonra yensiz gömlek şeklinde bir nesne olmakla küçük kızcağızlar libâslarının üstünden ferâce gibi giyerler. Yâhûd meşinden yâ sahtiyândan düzülmüş şol ağızsız dona denir ki dört parmak ʹarzında câ-be-câ tasma tarzında dilim dilim olur, ʹArab kızcağızları kable’l-idrâk giyerler. Ve
حَوْفٌ [ḩavf] Hevdece şebîh bir gûne merkeb-i nisvâna denir. Ve köye denir, قَرْيَةٌ [ḵaryet] maʹnâsına. Yâhûd su meşkine denir, قِرْبَةٌ [ḵirbet] maʹnâsına. Zâhiren me΄hazda şekk olunmuştur. Ve
حَوْفٌ [Ḩavf] ʹUmân eyâletinde bir belde adıdır. Ve diyâr-ı Mıṡriyye’den Bilbîs kasabası karşısında bir nâhiye adıdır.
Sitemizde detaylı hızlı ve kolay arama ekranı