اَلتَّبَرُّجُ [et-teberruc] (تَفَعُّلٌ [tefaʹʹul] vezninde) Hatun kendisini tezyîn eyledikten sonra taşra çıkıp endâm ve ârâyişini ricâla izhâr eylemek maʹnâsınadır; yukâlu: تَبَرَّجَتِ الْمَرْأَةُ إِذَا أَظْهَرَتْ زِينَتَهَا وَمَحَاسِنَهَا لِلرِّجَالِ Mü΄ellifin vech-i mesrûd üzere Baṡâ΄ir’de beyânına göre işbu تَبَرُّجٌ [teberruc] bünyesi بُرْجٌ [burc]-i mezkûrdan mutasarrıftır, suver-i kevâkib ile burûc-ı felekiyye ârâste olmakla hüsn ve zînetine iʹtibâren suver-i burûciyyeyi nakş ve tasvîr ile gûnâgûn kumaş nesc ve ondan libâs ittihâz eylediler; ve minhu kavluhum: “ثَوْبٌ مُبَرَّجٌ” إِذَا صُوِّرَتْ عَلَيْهِ بُرُوجٌ Ve bu maʹnâya mebnî تَبَرُّجٌ [teberruc] lafzı tasrîf olunup hüsn ve zînette burc-ı felekîye müteşebbih olmak maʹnâsında istiʹmâl olundu; ve minhu kavluhum: تَبَرَّجَتِ الْمَرْأَةُ أَيْ تَشَبَّهَتْ بِالْبُرْجِ فِي إِظْهَارِ الْمَحَاسِنِ وَقِيلَ ظَهَرَتْ مِنْ بُرْجِهَا أَيْ قَصْرِهَا Pes maʹnâ-yı sânîye göre binâsı selb için olur; ve minhu kavluhu taʹâlâ: ﴿وَلاَ تَبَرَّجْنَ تَبَرُّجَ الْجَاهِلِيَّةِ اْلأُولَى﴾، الآية Beyḋâvî: وَلاَ تَبَخْتَرْنَ فِي مَشْيِكُنَّ ʹibâretiyle tefsîr eylemiştir.
اَلتَّبَرُّجُ [et-teberruc] (fethateynle ve râ’nın zammı ve teşdîdiyle) ʹAvret zînetin ve mehâsinin ricâle izhâr etmektir.
Sitemizde detaylı hızlı ve kolay arama ekranı