اَلْجَرَّارَةُ [el-cerrâret] (mübâlaga bünyesiyle) Şol ʹaskere vasf olur ki pek firâvân olmakla seyr ve hareketleri ağır ve âheste âheste ola, gûyâ ki pek çok ʹudde ve ʹatâdı suʹûbetle çekip getirirler; yukâlu: كَتِيبَةٌ جَرَّارَةٌ أَيْ ثَقِيلَةُ السَّيْرِ لِكَثْرَتِهَا Kâle fi’l-Esâs جَيْشٌ جَرَّارٌ يَجُرُّ عَتَادَ الْحَرْبِ وَجَرَّارَهُ Bir cins ʹakreb adıdır ki kuyruğunu sürüyerek gider. Mü΄ellif tasgîr ile عُقَيْرِبٌ [ʹuḵayrib] ʹunvânında îrâd eylemekle tasgîr ve teksîre muhtemeldir. Bu ʹakreb, ʹAcem’de Ahvâz ülkesinde çok olur, pek kattâldir. Ve
جَرَّارَةُ [Cerrâret] Baṯîḩa’da bir nâhiye adıdır.
اَلْجَرَّارَةُ [el-cerrâret] (cîm’in fethi ve râ’nın teşdîdiyle) Şol ʹaskerdir ki kesretinden hareketi sakîl olup âheste yürüye; yukâlu: كَثِيبَةٌ جَرَّارَةٌ وَجَيْشٌ جَرَّارٌ Ve
جَرَّارَةٌ [cerrâret] ʹAkrebe dahi derler, kuyruğunu sürüdüğünden ötürü. Ve
اَلْجَرِيرُ [el-cerîr] (fethateynle) Şol iptir ki devenin başına takarlar, davara uyan taktıkları gibi. Ve bu yulardan gayrı nesnedir. Ve
جَرِيرٌ [Cerîr] ismiyle bir kimse tesmiye olunmuştur.
Sitemizde detaylı hızlı ve kolay arama ekranı