Kamus-ı Muhit - العسعسة maddesi

اَلْعَسْعَسَةُ [el-ʹasʹaset] (زَلْزَلَةٌ [zelzelet] vezninde) Gecenin zulmeti teveccüh ve ikbâl eylemek yaʹnî karanlığa başlamak yâhûd karanlığı gitmeğe başlamak maʹnâsınadır ki tarafı leylde olurlar; yukâlu: عَسْعَسَ اللَّيْلُ إِذَا أَقْبَلَ ظَلاَمُهُ أَوْ أَدْبَرَ Ve kurt kısmı gece gezip dolaşmak maʹnâsınadır; yukâlu: عَسْعَسَ الذِّئْبُ إِذَا طَافَ بِاللَّيْلِ Ve kaplayı sehâb sis ve duman gibi yer yüzüne çatmak maʹnâsınadır; yukâlu: عَسْعَسَ السَّحَابُ إِذَا دَنَا مِنَ الْأَرْضِ Ve bir işi başı örtülü görmek maʹnâsınadır; yukâlu: عَسْعَسَ الْأَمْرَ إِذَا لَبَّسَهُ وَعَمَّاهُ Ve bir nesneyi ırgalamak maʹnâsınadır; yukâlu: عَسْعَسَ الشَّيْءَ إِذَا حَرَّكَهُ

Vankulu Lugatı - العسعسة maddesi

اَلْعَسْعَسَةُ [el-ʹasʹaset] (ʹalâ-vezni اَلزَّلْزَلَة [ez-zelzelet]) Kurt gece ile dolaşmak; yukâlu: عَسْعَسَ الذِّئْبُ إِذَا طَافَ بِاللَّيْلِ Ve

عَسْعَسَةٌ [ʹasʹaset] Gecenin karanusu teveccüh etmeğe dahi derler; yukâlu: عَسْعَسَ اللَّيْلُ إِذَا أَقْبَلَ ظَلَامُهُ Ve kavluhu taʹâlâ: ﴿وَاللَّيْلِ إِذَا عَسْعَسَ﴾ (التكوير 17) Ferrâ eyitti: Müfessirûn bu âyet-i kerîmede ittifâk ettiler ki عَسْعَسَ [ʹasʹase] أَدْبَرَ [edbere] maʹnâsına leyl ola, ya΄nî zalâm-ı leyl yüz döndürse demek olur, ammâ bizim ashâbımızdan baʹzı katında عَسْعَسَةٌ [ʹasʹaset] leyl karîb olup zalâma teveccüh etmektir dedi. Kezâlik عَسْعَسَ السَّحَابُ derler bulut yere yakın olsa.