اَلْعِزْهُ [el-ʹizh] (ʹayn’ın kesri ve zây-ı muʹcemenin sükûnuyla) ve
اَلْعَزِهُ [el-ʹazih] (كَتِفٌ [ketif] vezninde) ve
اَلْعِزْهَى [el-ʹizhâ] (ʹayn’ın kesri ve elifin kasrıyla ve lede’t-tenkîr tenvînle) ve
اَلْعِزْهَاةُ [el-ʹizhât] (مِشْكَاةٌ [mişkât] vezninde) ve
اَلْعِزْهَاءُ [el-ʹizhâ΄] (ʹayn’ın kesri ve medd ile) ve
اَلْعِزْهِيُّ [el-ʹizhiyy] (yâ-yı müşeddede ile) ve
اَلْعِنْزَهْوُ [el-ʹinzehv] (قِنْدَأْوٌ [ḵinde΄v] vezninde) ve
اَلْعِنْزَهْوَةُ [el-ʹinzehvet] (قِنْدَأْوَةٌ [ḵinde΄vet] vezninde) ve
اَلْعُنْزُهَانِيُّ [el-ʹunzuhâniyy] (قُنْفُذَانِيٌّ [ḵunfužâniyy] vezninde) Sâz ve söz ve mûsîkâ ve lehv ve laʹib ve ülfet-i nisvân makûlesi hâlâttan müteşevvik olmayan şahsa denir ki bî-dimâg ve huşk-tabʹ ve bed-mizâc olmaktan neş΄et eder, ʹalâ-kavlin le΄îm ve fürû-mâye kimseye denir yâhûd yârân ve hem-demine bugz ve kînesini ketm eylemez olan adama denir; cemʹi عِزَاهٌ [ʹizâh] gelir ʹayn’ın kesriyle ve عِزْهُونٌ [ʹizhûn] gelir ʹayn’ın kesriyle; bunlar yalnız عِزْهٌ [ʹizh] kelimesinin cemʹidir.
Sitemizde detaylı hızlı ve kolay arama ekranı