Kamus-ı Muhit - الغت maddesi

اَلْغَتُّ [el-ġatt] (ġayn’ın fethi ve tâ’nın teşdîdiyle) Bir kimseye bir mâdde ile zahmet verip rencîde kılmak maʹnâsınadır; yukâlu: غَتَّهُ بِالْأَمْرِ غَتًّا مِنَ الْبَابِ اْلأَوَّلِ إِذَا كَدَّهُ Ve bir kimseyi suya daldırmak maʹnâsınadır; yukâlu: غَتَّهُ فِي الْمَاءِ إِذَا غَطَّهُ Ve elini yâhûd yenini ağıza tutmak makûlesi hâlâtla gülmeyi ihfâ eylemek maʹnâsınadır; yukâlu: غَتَّ الضَّحِكَ إِذَا أَخْفَاهُ Ve söz ile bir kimseyi ifhâm ve iskât eylemek maʹnâsınadır; yukâlu: غَتَّهُ بِالْكَلاَمِ إِذَا بَكَّتَهُ Ve kabı ağızdan ayırmayarak suyu peyderpey yudum yudum içmek maʹnâsınadır; yukâlu: غَتَّ الْمَاءَ إِذَا شَرِبَ جَرْعًا بَعْدَ جَرْعٍ مِنْ غَيْرِ إِبَانَةِ اْلإِنَاءِ عَنْ فِيهِ Ve bir kimseyi magmûm ve gussa-nâk eylemek maʹnâsınadır; yukâlu: غَتَّهُ إِذَا غَمَّهُ وَأَكْرَبَهُ Ve bir adamı bunaltıp boğmak maʹnâsınadır; yukâlu: غَتَّهُ إِذَا خَنَقَهُ Ve dâbbeyi beri öte bî-fâsıla seğirtmekle yorup dermânde eylemek maʹnâsınadır; yukâlu: غَتَّ الدَّابَّةَ شَوْطًا أَوْ شَوْطَيْنِ إِذَا أَتْعَبَهَا فِي رَكْضِهَا Ve baʹzı şey΄i baʹzı şey΄e tâbiʹ ve tâlî kılmak maʹnâsınadır; yukâlu: غَتَّ الشَّيْءَ الشَّيْءَ إِذَا أَتْبَعَ بَعْضَهُ بَعْضًا

Vankulu Lugatı - الغت maddesi

اَلْغَتُّ [el-ġatt] (ġayn’ın fethi ve tâ’nın teşdîdiyle) Suya batırmak; yukâlu: غَتَّهُ فِي الْمَاءِ إِذَا غَطَّهُ Ve bir kimseyi zahmete bırakmak; yukâlu: غَتَّهُ مِنَ الْبَابِ الْأَوَّلِ أَيْ كَدَّهُ Ve

غَتٌّ [ġatt] İhfâ maʹnâsına da gelir.