Kamus-ı Muhit - الغسلة maddesi

اَلْغِسْلُ [el-ġisl] (ġayn’ın kesriyle) ve

اَلْغُسَلُ [el-ġusel] (صُرَدٌ [ṡurad] vezninde) ve

اَلْغَسِيلُ [el-ġasîl] (أَمِيرٌ [emîr] vezninde) ve

اَلْغُسَلَةُ [el-ġuselet] (ġayn’ın zammıyla هُمَزَةٌ [humezet] vezninde) ve

اَلْمِغْسَلُ [el-miġsel] (مِنْبَرٌ [minber] vezninde) ve

اَلْغِسِّيلُ [el-ġissîl] (سِكِّيتٌ [sikkît] vezninde) Dişiye çok aşıcı aygır ata ve buğur deveye denir, ʹalâ-kavlin çok aşıp gebe etmez olanına denir; yukâlu: فَحْلٌ غِسْلٌ وَغُسَلٌ وَغَسِيلٌ وَغُسَلَةٌ وَمِغْسَلٌ وَغِسِّيلٌ أَيْ كَثِيرُ الضِّرَابُ أَوْ يُكْثِرُ الضِّرَابَ وَلَا يُلْقِحُ Ve bu insânda dahi istiʹmâl olunur.

اَلْغِسْلُ [el-ġisl] ve

اَلْغِسْلَةُ [el-ġislet] (ġayn’ların kesriyle) ve

اَلْغَسُولُ [el-ġasûl] (صَبُورٌ [ṡabûr] vezninde) ve

اَلْغَسُّولُ [el-ġassûl] (تَنُّورٌ [tennûr] vezninde) Bunlar da إِغْتِسَالٌ [iġtisâl] olunacak suya denir. Ve خِطْمِيٌّ [ḣiṯmiyy]ye yaʹnî kendisiyle nesne gasl edecek hâtem çiçeğine ve çevgân makûlesine denir ki aʹrâbın sâbûnlarıdır. Bu cihetle sâbûna da ıtlâk olunur. Ve

غِسْلَةٌ [ġiṡlet] (ġayn’ın kesriyle) Mutlakan tîbe ve sürünecek dühne ıtlâk olunur. Ve nisvân saçlarını tararken yumuşatmak için saçlarına saçtıkları ʹabîr makûlesine denir. Ve

غِسْلٌ [ġisl] ve

غِسْلَةٌ [ġislet] (kezâlik ġayn’ların kesriyle) Baş yaykadıkları nesneye denir, mersin ve hâtem çiçeği ve çoğan ve gil taʹbîr olunan çamur gibi. Ve mersin yaprağına denir ki baʹzı tîble terkîb edip nisvân saçlarına sürünürler.

Vankulu Lugatı - الغسلة maddesi

اَلْغُسَلَةُ [el-ġuselet] (ʹalâ-vezni اَلْهُمَزَة [el-humezet]) Şol erkektir ki çok cimâʹ ede ve hâmile kılmaya; yukâlu: فَحْلٌ غُسَلَةٌ

اَلْغِسْلَةُ [el-ġislet] (ġayn’ın kesri ve sîn’in sükûnuyla) Başa sürülen tîbe derler ki mersin ile ve gayrı ile terkîb olunur; yukâlu: غِسْلَةٌ مُطَرَّاةٌ وَهِيَ آسٌ يُطَرَّى بِأَفَاوِيهِ الطِّيبِ Veآسٌ [âs] hemzenin meddiyle mersin ağacıdır. Ve أَفَاوِيهُ [efâvîh] tîbe katılan eczâdır. Ve غِسْلَةٌ [ġislet]te ġayn’ın fethi câ΄iz değildir.