Kamus-ı Muhit - النضخ maddesi

اَلنَّضْخُ [en-naḋḣ] (nûn’un fethi ve ḋâd’ın sükûnuyla) Su serpmek maʹnâsınadır; yukâlu: نَضَخَهُ نَضْخًا مِنَ الْبَابِ الثَّالِثِ إِذَا رَشَّهُ Baʹzılar ʹindinde bu نَضْحٌ [naḋḩ] ile mürâdiftir ki o dahi su serpmek maʹnâsınadır, ʹalâ-kavlin mühmelenin mefhûmundan dûndur ki mühmele, gereği gibi sulamak ve bu, su serpmektir. Ve

نَضْحٌ [naḋḣ] Su pınardan şiddetle kaynayıp çıkmak, ʹalâ-kavlin aşağıdan yukarıya fışkırmak maʹnâsınadır; yukâlu: نَضَخَ الْمَاءَ إِذَا اشْتَدَّ فَوَرَانُهُ مِنْ يَنْبُوعِهِ أَوْ مَا كَانَ مِنْ سُفْلٍ إِلَى عُلْوٍ Ve düşman üzere ok serpmek maʹnâsında müstaʹmeldir; yukâlu: نَضَخَ النَّبْلَ فِي الْعَدُوِّ إِذَا فَرَّقَهَا Ve

نَضْخٌ [naḋḣ] Şol ʹıtr ve tîb eserine denir ki sevbde ve sâ΄ir nesnede kalmış olur; yukâlu: بَقِيَ فِيهِ نَضْخٌ مِنْهُ وَهُوَ أَثَرٌ يَبْقَى فِي الثَّوْبِ وَغَيْرِهِ مِنَ الطِّيبِ

Vankulu Lugatı - النضخ maddesi

اَلنَّضْخُ [en-naḋḣ] (nûn’un fethi ve ḋâd’ın sükûnuyla) Eser maʹnâsınadır; yukâlu: أَصَابَهُ نَضْخٌ مِنْ كَذَا Ve نَضْخٌ [naḋḣ] ḣâ-i muʹceme ile ekserdir, نَضْحٌ [naḋḩ]tan ki ḩâ-i mühmele iledir. Ve نَضْحٌ [naḋḣ] dahi eser maʹnâsınadır. Ve نَضْخٌ [naḋḣ]tan fiʹl binâ olunmaz ne فَعَلَ denir ve ne hod يَفْعَلُ Ebû ʹAmr bunların mâ-beynin fark edip eyitti: نَضْخٌ [naḋḣ] ḣâ-i muʹceme ile şol eserdir ki sevbde ve sevbin gayrında bâkî kalır ve نَضْحٌ [naḋḣ] ḩâ-i gayr-i muʹceme ile nefs-i fiʹldir. Ve Ebû Zeyd eyitti: نَضْخٌ [naḋḣ] veنَضْحٌ [naḋḩ] bir maʹnâyadır ki نَضْحٌ [naḋḩ] hâ-i mühmele ile su saçmağa derler. نَضْخٌ [nadḣ] ḣâ-i muʹceme ile dedikleri gibi; tekûlu: نَضَخْتُ أَنْضَخُ مِنَ الْبَابِ الثَّالِثِ