اَلْحَيْرَانُ [el-ḩayrân] (سَكْرَانُ [sekrân] vezninde) ve
اَلْحَائِرُ [el-ḩâ΄ir] Mâdde-i merkûmeden vasftır, ser-geşte ve deng ve mank adama denir. Mü΄ennesinde حَيْرَاءُ [ḩayrâ΄] denir, حَمْرَاءُ [ḩamrâ΄] vezninde. Cemʹinde حَيَارَى [ḩayârâ] denir ḩâ’nın fethi ve zammıyla. Ve
حَائِرٌ [ḩâ΄ir] Su müctemiʹ olacak yere denir. Ve şol havuza denir ki ona yağmur suyu akacak mecrâ ve mesîl tesyîb ve tesyîl olunmuş ola. Ve mürtefiʹ yerler aralığında olan düz ve oturaklı mekâna denir. Ve bostâna denir; elifi tarhla حَيْرٌ [ḩayr] dahi denir. Cemʹi حُورَانٌ [ḩûrân] gelir ḩâ’nın zammıyla ve حِيرَانٌ [ḩîrân] gelir ḩâ’nın kesriyle. Ve et yağına denir, وَدَكٌ [vedek] maʹnâsına. Ve Kerbelâ΄ çölüne ıtlâk olunur. Ve Kerbelâ’da bir mevziʹ adıdır.
اَلْحَائِرُ [el-ḩâ΄ir] Hâlik maʹnâsına; yukâlu: فُلَانٌ حَائِرٌ بَائِرٌ أَيْ هَالِكٌ ki بَائِرٌ dahi hâlik maʹnâsınadır. Ve
حَائِرٌ [ḩâ΄ir] Kesâd maʹnâsına dahi gelir.
Sitemizde detaylı hızlı ve kolay arama ekranı