اَلْحَبَجُ [el-ḩabec] (fethateynle) Deve عَرْفَجٌ [ʹarfec] dedikleri nebât otlamakla karnı şişmek maʹnâsınadır. عَرْفَجٌ [ʹarfec] sütleğen nevʹinden beşparmak dedikleri nebâttır; yukâlu: حَبِجَ الْبَعِيرُ حَبَجًا مِنَ الْبَابِ الرَّابِعِ إِذَا انْتَفَخَ بَطْنُهُ عَنْ أَكْلِ الْعَرْفَجِ Ve
حَبَجٌ [ḩabec] Devenin batnında tortop olan kığa denir ki ʹilletden nâşî olur, hattâ baʹzen mahrecinden çıkmamakla helâk olur. Ve
حَبَجٌ [ḩabec] Deve kısmının böğürlerine mahsûs bir nevʹ dâgın ismidir. Ve bir şecer-i Ḩicâzî adıdır.
اَلْحَبْجُ [el-ḩabc] (ḩâ’nın fethi ve bâ’nın sükûnuyla) Yellenmek, خَرَاطٌ [ḣarâṯ] maʹnâsına; yukâlu: حَبَجَ الرَّجُلُ يَحْبِجُ حَبْجًا مِنَ الْبَابِ الثَّانِي إِذَا حَبَقَ Kâle aʹrâbiyyun: “حَبَجَ بِهَا وَرَبِّ الْكَعْبَةِ” Ve
حَبَجٌ [ḩabec] Vurmağa dahi derler; yukâlu: حَبَجَهُ بِالْعَصَا حَبَجَاتٍ إِذَا ضَرَبَهُ بِهَا [ Ve] خَبَجَهُ gibi evvelinde ḣâ-i muʹceme ile ve هَبَجَهُ gibi.
Sitemizde detaylı hızlı ve kolay arama ekranı