جُويْبَارُ [cûybâr] (cîm’in zammı ve yâ’nın sükûnuyla) ve
جُوبَارُ [cûbâr] (yâ’sız) İkisi de sahîhtir, lafz-ı Fârisîdir. جُويْ [cûy] küçük ırmak ve بَار [bâr] mesîl-i cûy maʹnâsına olmakla baʹde’t-terkîb مَسِيلُ النَّهْرِ الصَّغِيرِ demek olur; Ḣorâsân’da Herât kazâsında bir karyeye ʹalem olmuştur; Aḩmed b. ʹAbdullâh et-Temîmî el-Vaḋḋâʹ ki vazʹ-ı ehâdîb eyler idi, oradandır. Ve
جُويْبَارُ [Cûybâr] Semerḵand kazâsında bir karye adıdır; Ebû ʹAlî el-Ḩasan b. ʹAlî es-Semerḵandî oradandır. Ve Nesef şehrinde bir mahalle adıdır; Muḩammed b. es-Serî b. ʹAbbâd nâm muhaddis ki İmâm Buḣârî râvîsidir, oradandır. Ve Merv şehrinde bir karye adıdır; sâhibü’s-Semʹânî ʹAbdurraḩmân b. Muḩammed b. ʹAbdurraḩmân oradandır. Ve Iṡfahân’da bir mahalle adıdır; Muḩammed b. ʹAlî es-Simsâr ve ʹAbdulcelîl b. Muḩammed b. Kûtâh el-Ḩâfıż oradandır. Ve
جُويْبَارُ [Cûybâr] Curcân kazâsında bir mevziʹ adıdır; aʹlâmdan Ṯalḩa b. Ebî Ṯalḩa oradandır.
Sitemizde detaylı hızlı ve kolay arama ekranı