اَلْخَشْخَاشُ [el-ḣaşḣâş] (ḣâ’nın fethiyle) Bu ismle maʹrûf nebâttır. Birkaç nevʹ olur: Birisi haşhâş-ı bostânîdir ki ak haşhâş dedikleridir, çiçeği ak olur. Ve biri haşhâş-ı mensûrdur ki katmer haşhâş derler. Ve birisi haşhâş-ı mukarrendir ki çiçeği sarı ve semeri sığır boynuzuna şebîh olmakla مُقَرَّنٌ [muḵarren] dediler. Ve biri haşhâş-ı zebedîdir ki be-gâyet beyâz olmakla deniz haşhâşı dahi derler. Cümlesi münevvim ve muhaddir ve müberriddir. Yarım dirhem kışrını sabâh vaktinde ve uykuya varmazdan akdemce soğuk su ile şürb demevî ve safrâvî olup harâret ve iltihâbla ʹârız olan ishâli derhâl katʹ eylemekte ʹacîbü’l-eserdir. Ve
خَشْخَاشٌ [ḣaşḣâş] خَشْخَشَةٌ [ḣaşḣaşet]ten me΄hûz vasf olur, zırh ve silâhla ârâste cemâʹat ve ʹaskere denir; yukâlu: قَدْ جَاءَتْ خَشْخَاشٌ كَثِيرٌ أَيْ جَمَاعَةٌ فِي سِلاَحٍ وَدُرُوعٍ Ve Ḣaşḣâş b. Mâlik b. el-Ḩârišamp; yâhûd İbn Cunâb b. el-Ḩârišamp; ashâbdandır. Ve Ebu’l-Ḣaşḣâş şuʹarâdandır.
اَلْخَشْخَاشُ [el-ḣaşḣâş] (ḣâ’nın fethiyle ve şîn’in sükûnuyla) Bir maʹrûf ottur. Ve
خَشْخَاشٌ [ḣaşḣâş] Kezâlik şol cemâʹate derler ki üzerlerinde silâhları ve zırhları ola.
Sitemizde detaylı hızlı ve kolay arama ekranı