Kamus-ı Muhit - غار maddesi

اَلْغَارُ [el-ġâr] Bu dahi مَغَارَةٌ [meġâret]e denir, كَهْفٌ [kehf] gibi. ʹAlâ-kavlin غَارٌ [ġâr] çatlağa ıtlâk olunmayıp hemân dağda kayadan oyma oda şeklinde yere denir yâhûd dağda pek çukur ve alçak yere denir yâhûd yüksek yerler aralığında olan düz ve oturaklı mutma΄in yere denir yâhûd vahşî cânver inine ve deliğine denir. Cemʹi أَغْوَارٌ [aġvâr] ve غِيرَانٌ [ġîrân] gelir, جَارٌ [câr] ve جِيرَانٌ [cîrân] gibi. Ve

غَارٌ [ġâr] Ağzın içerisinin damak taʹbîr olunan üst sakfının ense tarafına ıtlâk olunur, ʹalâ-kavlin iki çene kemiklerinin aralığında olan uzunca yive yâhûd ağzın içine ıtlâk olunur. Ve

غَارٌ [ġâr] Nâstan cemʹ-i kesîre denir; yukâlu: تَجَمَّعَ مِنَ الْأَطْرَافِ الْغَارُ أَيِ الْجَمْعُ الْكَثِيرُ مِنَ النَّاسِ Ve asma yaprağına denir. Ve defne ağacına denir ki ondan yağ çıkarılır. Defne yağı maʹrûftur, dânelerini su ile kaynatıp üzerine geleni alırlar yâhûd tâze varaklarının ve dânelerinin ʹusâresini zeytûn yağıyla ʹusâre mahv olunca kaynatırlar. Ve

غَارَةٌ [ġâret] Toza denir, غُبَارٌ [ġubâr] maʹnâsına. Ve Ġâr b. Cebele bir muhaddis ismidir, ʹalâ-kavlin zâ-yı muʹceme iledir. Ve ehl-i Nesef ʹindinde bir maʹrûf ölçek ismidir ki yüz قَفِيزٌ [ḵafîz] nesne istîʹâb eder. Ve

غَارٌ [ġâr] ʹAskere denir, جَيْشٌ [ceyş] maʹnâsına. Ve reşk ve gayret maʹnâsınadır; yukâlu: فُلاَنٌ شَدِيدُ الْغَارَةِ عَلَى أَهْلِهِ أَيِ الْغَيْرَةِ

Vankulu Lugatı - غار maddesi

اَلْغَارُ [el-ġâr] Şol evdir ki dağda kayadan keserler, كَهْفٌ [kehf] maʹnâsına. Ve

غَارٌ [ġâr] ʹAskere dahi derler, ceyş maʹnâsına. Ve defne ağacına dahi غَارٌ [ġâr] derler; ve minhu دُهْنُ الْغَارِ Ve

غَارٌ [ġâr] Reşk maʹnâsına da gelir; غَيْرَةٌ [ġayret] gibi.