اَلْغَبْرَاءُ [el-ġabrâ΄] أَغْبَرُ [aġber]in mü΄ennesidir. Ve
غَبْرَاءُ [ġabrâ΄] Arza ıtlâk olunur; yukâlu: جَاءَ عَلَى ظَهْرِ الْغَبْرَاءِ أَيْ عَلَى ظَهْرِ الْأَرْضِ يَعْنِي رَاجِلاً Ve keklik kuşunun dişisine ıtlâk olunur, levnine mebnî. Pes erkeğine de أَغْبَرُ [aġber] ıtlâk olunmak mülâyimdir. Ve
غَبْرَاءُ [ġabrâ΄] Eşcârı firâvân yere vasf olur; yukâlu: أَرْضٌ غَبْرَاءُ أَيْ كَثِيرَةُ الشَّجَرِ Ve Yemâme’de bir mevziʹ adıdır. Ve düz ve yumuşak yerlerde nâbit olan nebâtlara ıtlâk olunur. Ve Ḩamel b. Bedr ve Ḵudâme b. Meṡâd nâm kimselerin feresleri adıdır. Ve bir nebât adıdır ki غُبَيْرَاءُ [ġubeyrâ΄] dahi derler, ke-mâ se-yuzkeru.
اَلْوَطْأَةُ الْغَبْرَاءُ [el-vaṯ΄atu’l-ġabrâ΄u] Bozulan iz, وَطْأَةٌ سَوْدَاءُ [vaṯ΄atun sevdâ΄] gibi ki وَطْأَةٌ سَوْدَاءُ [vaṯ΄at sevdâ΄] dahi mahv olan ize derler. Ve
غَبْرَاءُ [Ġabrâ΄] Ḵays b. Zuheyr el-ʹAbsî’nin atının ismidir.
Sitemizde detaylı hızlı ve kolay arama ekranı