Kamus-ı Muhit - نسخ maddesi

Mü΄ellifin Baṡâ΄ir’de beyânına göre نَسْخٌ [nesḣ] bir nesne âher nesneyi müteʹakkib olarak zâ΄il kılmak maʹnâsına mevzûʹdur, zıllın şemsi ve şemsin zıllı ve şeybin şebâbı izâlesi gibi. Baʹzen bundan izâle münfehim olur ki bi’l-külliyye evvelkini zâ΄il eder ve baʹzen isbât münfehim olur, nesh-i kitâb gibi ki bir mektûbun sahîfe-i uhrâya sûretinin nakli gibi ve baʹzen izâle ve isbâttan ikisi de münfehim olur. İntehâ. Ve

نَسْخٌ [nesḣ] Bir nesneyi tagyîr eylemek ve bozmak maʹnâsınadır; yukâlu: نَسَخَتِ الرِّيحُ آثَارَ الدَّارِ إِذَا غَيَّرَتْهَا Ve bir nesneyi ibtâl edip âher nesneyi onun makâmına kâ΄im kılmak maʹnâsınadır; yukâlu: نَسَخَ الشَّيْءَ إِذَا أَبْطَلَهُ وَأَقَامَ شَيْئًا مُقَامَهُ Ve مَسْخٌ [mesḣ] maʹnâsınadır ki bir nesnenin sûretini bir akbeh sûrete tahvîl eylemekten ʹibârettir; yukâlu: نَسَخَهُ بِمَعْنَى مَسَخَهُ Ve bir kitâbı karşısında nüsha edip sûretini yazınmak maʹnâsınadır; yukâlu: نَسَخَ الْكِتَابَ إِذَا كَتَبَهُ عَنْ مُعَارَضَةٍ Ve bir nesneyi âher mahalle nakl ve tahvîl eylemek maʹnâsınadır; yukâlu: نَسَخَ مَا فِي الْخَلِيَّةِ إِذَا حَوَّلَهُ إِلَى غَيْرِهَا

Vankulu Lugatı - نسخ maddesi

اَلنَّسْخُ [en-nesḣ] (nûn’un fethi ve sîn’in sükûnuyla) Zâ΄il kılmak; yukâlu: نَسَخَتِ الشَّمْسُ الظِّلَّ أَيْ أَزَالَتْهُ Ve

نَسْخٌ [nesḣ] Tagyîr maʹnâsına da gelir; yukâlu: نَسَخَتِ الرِّيحُ آثَارَ الدَّارِ إِذَا غَيَّرَتْهَا Ve

نَسْخٌ [nesḣ] Bir kitâbın nüshasın almağa dahi derler; yukâlu: نَسَخْتُ الْكِتَابَ Ve

نَسْخٌ [nesḣ] Bir nassın hikmeti onu misli olan nass zâ΄il kılmak.