اَلْقَدِمُ [el-ḵadim] (كَتِفٌ [ketif] vezninde) ve
اَلْقَدِمَةُ [el-ḵadimet] (فَرِحَةٌ [feriḩat] vezninde) Kara taşlık tepenin dürüşt ve galîz olan yerine denir.
اَلْقَدَمُ [el-ḵadem] (fethateynle) ve
اَلْقُدْمَةُ [el-ḵudmet] (غُرْفَةٌ [ġurfet] vezninde) ve
اَلْقِدَمُ [el-ḵidem] (عِنَبٌ [ʹineb] vezninde) Sâbıka fi’l-emr maʹnâsınadır ki bir husûsta sâ΄irleri sebk ve takaddümlük eser ve hâletinden ʹibârettir; yukâlu: لَهُ قَدَمٌ وَقُدْمَةٌ وَقِدَمٌ فِي هَذِهِ الْخِدْمَةِ أَيْ سَابِقَةٌ Ve
قَدَمٌ [ḵadem] (fethateynle) Hayr ve birr ve hasene cihetinde derece ve mertebe sâhibi adama denir; mü΄ennesi قَدَمَةٌ [ḵademet]tir; yukâlu: هُوَ قَدَمٌ فِي الْخَيْرِ أَيْ لَهُ مَرْتَبَةٌ فِيهِ Ve ayağa denir, رِجْلٌ [ricl] maʹnâsına. Ve قَدَمٌ [ḵadem] lafzı mü΄ennestir; Cevherî’nin tezkîr ile وَاحِدُ الْأَقْدَامِ taʹbîri sehvdir, savâb olan وَاحِدَةُ الْأَقْدَامِ olmaktır hâ’yla; cemʹi أَقْدَامٌ [aḵdâm] gelir. Şârih der ki ʹuzv te΄vîliyle tezkîri câ΄izdir.
اَلْقُدْمَةُ [el-ḵudmet] (ḵâf’ın zammı ve dâl’ın sükûnuyla) Kezâlik sebkat maʹnâsınadır.
Sitemizde detaylı hızlı ve kolay arama ekranı