اَلْأَفَقِيُّ [el-efaḵiyy] (fethateynle) ve
اَلْأُفُقِيُّ [el-ufuḵiyy] (zammeteynle) Âfâk-ı arza mensûb demektir ki murâd etrâf-ı arzdan olan kimsedir; yukâlu: هُوَ أَفَقِيٌّ وَأُفُقِيٌّ أَيْ مَنْسُوبٌ إِلَى الْأُفُقِ Şârih der ki fethateynle أَفَقِيٌّ [efaḵiyy] gayr-i kıyâs üzeredir, fethateynle feʹal ve zammla fuʹl vezni ekserî kelâm-ı ʹArabda maʹnâ-yı vâhid üzere müctemiʹ oldukları mülâhazasına mebnîdir, عَرَبٌ [ʹarab] ve عُرْبٌ [ʹurb] ve عَجَمٌ [ʹacem] ve عُجْمٌ [ʹucm] gibi. Ve kaldı ki asl olan nisbet bir mâddenin müfredine müteʹallik olmaktır. Ve eğer cemʹ olursa ʹalem ise müfred hükmünde olmakla ona nisbet olunur, أَنْصَارِيٌّ [enṡâriyy] gibi. Pes burada fukahânın hacc mes΄elesinde آفَاقِيٌّ [âfâḵiyy] taʹbîrleri âfâk-ı mahsûsa yaʹnî hâric-i mevâkîte ʹalem iʹtibârıyla sahîh olur ki mülhak bi’l-ʹalem olmuş olur.
اَلْأَفَقِيُّ [el-efeḵiyy] (fethateynle ve âhirinde yâ’nın teşdîdiyle) Şol kimsedir ki etrâf-ı arzdan ola, âfâk-ı arza mensûb maʹnâsına. Ve baʹzılar أُفُقِيٌّ [ufuḵiyy] dedi zammeteynle, kıyâs dahi budur.
Sitemizde detaylı hızlı ve kolay arama ekranı