اَلْإِفْهَارُ [el-ifhâr] (hemzenin kesriyle) فَهْرٌ [fehr] maʹnâsınadır; yukâlu: أَفْهَرَ الرَّجُلُ بِمَعْنَى فَهَرَ Ve Yehûd tâ΄ifesinin bayramları gününe hâzır olmak, ʹalâ-kavlin havralarına varmak maʹnâsınadır; فُهْرٌ [fuhr]-i âtîden me΄hûzdur; yukâlu: أَفْهَرَ الرَّجُلُ إِذَا شَهِدَ عِيدَ الْيَهُودِ أَوْ أَتَى مِدْرَاسَهُمْ Ve gövdenin eti câ-be-câ külçe külçe ve top top olmak vechiyle semirmek maʹnâsınadır. Bu sûret semizlik pek çirkîn hâletidir; yukâlu: أَفْهَرَ الرَّجُلُ إِذَا اجْتَمَعَ لَحْمُهُ وَتَكَتَّلَ وَهُوَ أَقْبَحُ السِّمَنِ [Ve bu] hacer maʹnâsına olan فِهْرٌ [fihr]den me΄hûzdur. Ve dâbbenin üzerine çok varmakla pek yorup dermânde ve bî-mecâl eylemek maʹnâsınadır; yukâlu: أَفْهَرَ بَعِيرَهُ إِذَا أَبْدَعَ فَأُبْدِعَ بِهِ Ve bir adam bir âher câriyesi hışıltıyı işiterek bir câriyesiyle cimâʹ eylemek maʹnâsınadır. Bu dahi menhîdir; yukâlu: أَفْهَرَ الرَّجُلُ إِذَا خَلاَ مَعَ جَارِيَتِهِ وَجَارِيَتُهُ الْأُخْرَى تَسْمَعُ حِسَّهُ Ve kız hitân olmak maʹnâsınadır; yukâlu: أُفْهِرَتِ الْجَارِيَةُ عَلَى بِنَاءِ الْمَجْهُولِ إِذَا خُتِنَتْ
Sitemizde detaylı hızlı ve kolay arama ekranı