اَلْبَيْزَارُ [el-beyzâr] (بَيْطَارٌ [beyṯâr] vezninde) Âlet-i tenâsüle ıtlâk olunur. Şârih der ki fi’l-asl بَيْزَرٌ [beyzer] maʹnâsınadır. Ve
بَيْزَارٌ [beyzâr] Bâz-dâr ve bâz-yâr-i Fârisî muʹarrebidir. Bâz-dâr ve bâz-yâr doğancı demektir ki alıcı kuş besleyen kimsedir, şâhînci başı ve çakırcı başı gibi. Kezâlik bâz-dâr Fârisîde أَكَّارٌ [ekkâr] yaʹnî ekinciye de denmekle بَيْزَارٌ [beyzâr] ondan taʹrîble ekinci demek olur. Mü΄ellifin tesniye bünyesiyle muʹarreben bâz-dâr ve bâz-yâr kavli ona mahmûldür.
اَلْبَيْزَارُ [el-beyzâr] (bâ’nın fethiyle ve yâ’nın sükûnuyla) Bâzyârın muʹarrebidir ki bâzyâr doğancı demektir, bâz-dâr maʹnâsına.
Sitemizde detaylı hızlı ve kolay arama ekranı