اَلْجُمَانُ [el-cumân] (غُرَابٌ [ġurâb] vezninde) İnciye denir, ʹalâ-kavlin inci şeklinde gümüşten düzülmüş düğmeye ve kozaya denir; müfredi جُمَامَةٌ [cumânet]tir; yukâlu: سَالَ الْعَرَقُ مِنْ وَجْهِهِ كَالْجُمَانِ أَيِ اللُّؤْلُؤِ أَوْ هَنَوَاتٌ أَشْكَالُ اللُّؤْلُؤِ مِنْ فِضَّةٍ Ve nisvân-ı ʹArab zînetlerinden bir gûne zînete denir ki sahtiyânı at peçesi gibi dilim dilim tirşe eyledikten sonra hasır gibi nesc edip ve elvân boncuklar üstüvâr edip hamâ΄il gibi takınırlar ve bellerine kemer edip kuşanırlar. Ve üzeri gümüşlenmiş yâhûd gümüş ile yaldızlanmış boncuğa da denir. Ve bir erkek devenin adıdır. Ve bir dağın ismidir. Ve Aḩmed b. Muḩammed b. Cumân muhaddistir.
اَلْجَمَّانُ [el-cemmân] (عَطْشَانُ [ʹaṯşân] vezninde) ve
اَلْجَمَّامُ [el-cemmâm] (شَدَّادٌ [şeddâd] vezninde) Başlı ölçeğe denir. Ve Cemmâm b. Duʹmî, Ḩimyer kabîlesi nesebinin ricâlindendir. Ve Cemmâm b. Hedâd, Ezd kabîlesindendir.
اَلْجُمَانُ [el-cumân] (cîm’in zammı ve mîm’in kezâlik tahfîfiyle) Cemʹidir, zikr olunan dâneler maʹnâsına.
اَلْجَمَّانُ [el-cemmân] (cîm’in fethi ve mîm’in teşdîdiyle) Başlı olan kîle.
Sitemizde detaylı hızlı ve kolay arama ekranı