اَلْجَمْرُ [el-cemr] (cîm’in fethi ve mîm’in sükûnuyla) Bu dahi nâs bir husûs zımnında bir araya gelip birikmek maʹnâsınadır; yukâlu: جَمَرَ الْقَوْمُ عَلَى الْأَمْرِ جَمْرًا مِنَ الْبَابِ الثَّانِي إِذَا تَجَمَّعُوا وَانْضَمُّوا Ve ayağı bukağılı at sıçrayarak yürümek maʹnâsınadır; yukâlu: جَمَرَ الْفَرَسُ إِذَا وَثَبَ فِي الْقَيْدِ Ve bir adama âteş közü yâhûd hurde çakıl taşı vermek maʹnâsınadır; yukâlu: جَمَرَهُ إِذَا أَعْطَاهُ جَمْرًا Ve bir adamı alarga ve bertaraf eylemek maʹnâsınadır; yukâlu: جَمَرَ فُلاَنًا إِذَا نَحَّاهُ ve minhu; اَلْجِمَارُ بِمِنَى Yaʹnî menâsik-i hacdan Minâ’da remy olunan جَمْرَةٌ [cemret]ler bundan me΄hûzdur, zîrâ Hazret-i İbrâhîm ʹalâ-nebiyyinâ ve ʹaleyhi’t-teslîm şeytânı onlar ile tard ve tebʹîd eyledi yâhûd isrâʹ maʹnâsına olan إِجْمَارٌ [icmâr]dan me΄hûzdur, zîrâ şeytâna taş attıklarında melʹûn, Hazret-i İbrâhîm önünden sürʹatle firâr eyledi.
اَلْجَمْرُ [el-cemr] (cîm’in fethi ve mîm’in sükûnuyla) جَمْرَةٌ [cemret]in cemʹidir ki âteşin közü demek olur, جَمْرَةُ النَّارِ maʹnâsına.
Sitemizde detaylı hızlı ve kolay arama ekranı