اَلْجَمْحُ [el-cemḩ] (cîm’in fethi ve mîm’in sükûnuyla) ve
اَلْجُمُوحُ [el-cumûḩ] (قُعُودٌ [ḵuʹûd] vezninde) ve
اَلْجِمَاحُ [el-cimâḩ] (جِمَالٌ [cimâl] vezninde) Râkibi zabta kâdir olmamak vechiyle at serkeş ve başı sert olup râkibini eslemez olmak maʹnâsınadır; yukâlu: جَمَحَ الْفَرَسُ جَمْحًا وَجُمُوحًا وَجِمَاحًا مِنَ الْبَابِ الثَّالِثِ إِذَا اعْتَزَّ فَارِسَهُ وَغَلَبَهُ Ve hatun mutallaka değil iken zevcinden iznsiz akribâsı hânesine gitmek maʹnâsına istiʹmâl olunur; yukâlu: جَمَحَتِ الْمَرْأَةُ زَوْجَهَا إِذَا خَرَجَتْ مِنْ بَيْتِهِ إِلَى أَهْلِهَا قَبْلَ أَنْ يُطَلِّقَهَا Ve şitâb ve sürʹatle gitmek maʹnâsınadır; yukâlu: جَمَحَ الرَّجُلُ إِذَا أَسْرَعَ Ve aşık oynayan çocuk bir aşıkla âher aşığı vurup yerinden ayırmak maʹnâsınadır; yukâlu: جَمَحَ الصَّبِيُّ الْكَعْبَ بِالْكَعْبِ إِذَا رَمَاهُ حَتَّى أَزَالَهُ عَنْ مَكَانِهِ
Sitemizde detaylı hızlı ve kolay arama ekranı