Kamus-ı Muhit - الحزامة maddesi

اَلْمِحْزَمُ [el-miḩzem] (مِنْبَرٌ [minber] vezninde) ve

اَلْمِحْزَمَةُ [el-miḩzemet] (مِكْنَسَةٌ [mikneset] vezninde) ve

اَلْحِزَامُ [el-ḩizâm] ve

اَلْحِزَامَةُ [el-ḩizâmet] (كِتَابٌ [kitâb] ve كِتَابَةٌ [kitâbet] veznlerinde) Kolana ve çocuk bağırdağına ve sâ΄ir bu makûle nesnelere denir. Ve Ḋaḩḩâk b. ʹOšamp;mân ve İbrâhîm b. el-Munžir ki İmâm Buḣârî şeyhidir ve Ebû Bekr Şeybe b. ʹAbdurraḩmân b. ʹAbdulmelik el-Ḩizâmiyyûn muhaddislerdir. Ve Ḩakîm b. Ḩizâm kendisi ve pederi sahâbedir. Ve oğlu Ḩizâm kezâlik Ḩizâm b. Derrâc tâbiʹîlerdir. Ve Ḩizâm b. Hişâm ve Ḩizâm b. İsmâʹîl ve Mûsâ b. Ḩizâm et-Tirmizî muhaddislerdir.

اَلْحَزْمُ [el-ḩazm] (عَزْمٌ [ʹazm] vezninde) ve

اَلْحَزَامَةُ [el-ḩazâmet] (كَرَامَةٌ [kerâmet] vezninde) ve

اَلْحُزُومَةُ [el-ḩuzûmet] (عُمُومَةٌ [ʹumûmet] vezninde) Bir adam dâ΄imâ rüşd ve reviyyetle umûrunu mazbût edip itkân ve istihkâm vechiyle tutar olmak maʹnâsınadır; yukâlu: حَزُمَ الرَّجُلُ حَزْمًا وَحَزَامَةً وَحُزُومَةً مِنَ الْبَابِ الْخَامِسِ إِذَا كَانَ يَضْبِطُ الْأَمْرَ وَيَأْخُذُ فِيهِ بِالثِّقَةِ فَهُوَ حَازِمٌ وَحَزِيمٌ Ve

حَزْمٌ [Ḩazm] Esâmîdendir: Ḩazm b. Ebî Kaʹb ashâbdandır. Ve Ḩazm b. Ebî Ḩazm el-Ḵuṯaʹî tebeʹ-i tâbiʹîndendir. Ve Ebû Muḩammed b. Ḩazm tesânîf sâhibi zât-ı maʹrûftur. Ve Ebu’l-Ḩazm Cehver, Endelus’te Ḵurṯuba şehrinin re΄îsi idi. Ve Ḩazme bint Ḵays ki uht-ı Fâṯime’dir, sahâbiyyedir. Ve ʹAccâc nâm şâʹirin kızı ismidir. Ve

حَزْمٌ [ḩazm] Kezâlik masdar olur, bir nesneyi muhkem çekip bağlamak maʹnâsına; yukâlu: حَزَمَهُ حَزْمًا مِنَ الْبَابِ الثَّانِي إِذَا شَدَّهُ Ve dâbbeye kolan çekmek maʹnâsınadır; yukâlu: حَزَمَ الْفَرَسَ إِذَا شَدَّ حِزَامَهُ Ve

حَزْمٌ [ḩazm] Galîz yâhûd mürtefiʹ arza denir.

Vankulu Lugatı - الحزامة maddesi

اَلْحَزَامَةُ [el-ḩazâmet] (ḩâ’nın fethiyle) Bir kimse ahvâlinde rüşd üzere olmak; yukâlu: حَزُمَ الرَّجُلُ حَزَامَةً مِنَ الْبَابِ الْخَامِسِ