اَلزَّمْجَرَةُ [ez-zemceret] (hâ’yla) Nâya ve düdüğe denir, زَمَّارَةٌ [zemmâret] maʹnâsına. Cemʹi زَمَاجِرُ [zemâcir] ve زَمَاجِيرُ [zemâcîr] gelir. Şârihin beyânına göre bu çobanların çaldıkları kaval olacaktır. Ve
زَمْجَرَةٌ [zemceret] Kaval sesine denir; tekûlu: سَمِعْتُ زَمْجَرَةً أَيْ صَوْتَ الزَّمْجَرَةِ Ve çokça gırîv ve feryâd ve kavgaya denir; yukâlu: مَا هَذِهِ الزَّمْجَرَةُ أَيِ الصِّيَاحُ وَالصَّخَبُ الْكَثِيرُ Ve mutlakan sese denir; tekûlu: سَمِعْتُ زَمْجَرَةً أَيْ صَوْتًا Ve masdar olur, arslanın gümültüsünü içerisinde gürüldetmek maʹnâsınadır; yukâlu: زَمْجَرَ الْأَسَدُ إِذَا رَدَّدَ زَئِيرَهُ
اَلزَّمْجَرَةُ [ez-zemceret] (ʹalâ-vezni اَلدَّحْرَجَة [ed-daḩrecet]) Savt maʹnâsınadır, kaçan bir kimsenin çağırması ve haykırması çok olsa; yukâlu: لِلرَّجُلِ زَمْجَرَةٌ وَغَذْمَرَةٌ أَيْ صَخْبٌ وَصِيَاحٌ Ve صَخْبٌ [ṡaḣb] ṡâd-ı mühmele ve ḣâ-i muʹceme ile çağırıp haykırmaktır, صِيَاحٌ [ṡiyâḩ] gibi.
Sitemizde detaylı hızlı ve kolay arama ekranı