اَلْغُبَيْسُ [el-ġubeys] زُبَيْرٌ [zubeyr] vezninde ki bünye-i tasgîrdir ve ʹArabların işbu لاَ آتِيكَ مَا غَبَا غُبَيْسٌ kelâmında vâkiʹ ve أَبَدًا kavliyle müfesserdir. Bunun aslı maʹlûm olmadı. Baʹzılar ʹindinde أَغْبَسُ lafzından ki boz kurda denir, murahhamen tasgîr olundu. Pes kelâm-ı mezkûr “Ben sana kurt kısmı koyunlara aralık aralık hücûm eder oldukça gelmem” demek olur. Kurdun koyuna hücûmdan inkıtâʹı olmamakla te΄bîd ve devâmdan kinâye olmuş olur. Buna göre غَبَا kelimesinin aslı غَبٌّ olur, bâ’nın birisi yâ’ya mübeddel olmuştur. Mütercim der ki bu sûrette ذِئْبٌ taʹmîm olunmuştur, lâkin Zemaḣşerî’nin beyânına göre غُبَيْسٌ [ġubeys]ten murâd zamândır, nâs üzere ʹadv ve idrârından nâşî kurda teşbîh olundu. Ve ʹalâ-kavlin غُبَيْسٌ [ġubeys]ten murâd Cedy nâm kevkebdir, hafâ΄ ve tesettür cihetiyle kurda teşbîh olunmuştur. Ve غَبَا [ġabâ] غَبِيَ [ġabiye] maʹnâsınadır ki hafî maʹnâsınadır.
Sitemizde detaylı hızlı ve kolay arama ekranı