اَلْغِدَفْلُ [el-ġidefl] (سِبَحْلٌ [sibaḩl] vezninde) Pek uzun kişiye denir. Ve her yanı uygun ve tâmm ve ʹazîmü’l-hilkat deveye denir. Ve vüsʹatli dirliğe denir; yukâlu: هُوَ فِي غِدَفْلٍ أَيْ عَيْشٍ وَاسِعٍ Ve yeprimiş eski sevbe denir; cemʹi غَدَافِلُ [ġadâfil]dir; ve minhu’l-meselu: “غَرَّنِي بُرْدَاكَ مِنْ غَدَافِلِي” Yaʹnî “Senin vereceğin kumaş câmelerini firîfte eylemekle eski esvâbımdan dûr eyledi.” Aslı budur ki bir kimseye bir devletliden kisvet niyâz, o dahi vaʹd eylemekle vaʹdine firîfte olup eğninde olan eski libâslarını tarh eyledikten sonra devletli ihlâf-ı vaʹd eylemekle bîçâre ʹuryân kaldıkta kelâm-ı mezbûru îrâd eyledi.
Sitemizde detaylı hızlı ve kolay arama ekranı