اَلنَّسَا [en-nesâ] (عَصَا [ʹaṡâ] vezninde) Bir adamın but damarı ağrımak maʹnâsınadır; yukâlu: نَسِيَ الرَّجُلُ نَسًا مِنَ الْبَابِ الرَّابِعِ إِذَا شَكَا نَسَاهُ
اَلنَّسَا [en-nesâ] (nûn’un fethi ve elifin kasrıyla) Aṡmaʹî rivâyeti üzere, şol damardır ki kalın etten zuhûr edip uyluğun iç yüzünden eğriceleri geçip atın tırnağına erişir; kaçan davar semirse but etleri zuhûr etmekle uylukları birbirinden ayrılıp نَسَا damarı iki uyluğun mâ-beyninde âşikâre olur ve kaçan davar arıklasa, uyluklar zaʹîf olup iç yüzünde olan etleri buruşup نَسَا [nesâ] damarı nâ-bedîd olur. Ve kaçan مُنْشَقُّ النَّسَا deseler mevziʹ-i نَسَا [nesâ]yı dilerler. Ve kaçan إِنَّهُ لَشَدِيدُ النَّسَا deseler nefs-i نَسَا [nesâ]yı dilerler, İbnu’s-Sikkît eyitti: Zikr olunan damara عِرْقُ النَّسَا [ʹirḵu’n-nesâ] derler, ammâ Aṡmaʹî eyitmiştir: Ona عِرْقُ النَّسَا [ʹirḵu’n-nesâ]demezler,نَسَا [nesâ] derler, nitekim عِرْقُ الْأَكْحَلِ ve عِرْقُ الْأَبْجَلِ demezler أَكْحَلُ [ekḩal] ve أَبْجَلُ [ebcel] derler demiştir. Ve أَكْحَلُ [ekḩal] insânın kolunda olan damardır ki ondan kan alırlar. Ve أَبْجَلُ [ebcel] davarın kolunda olan damardır ki أَكْحَلُ [ekḩal] menzilesindedir.
Sitemizde detaylı hızlı ve kolay arama ekranı