Kamus-ı Muhit - النص maddesi

اَلنَّصُ [en-naṡṡ] (nûn’un fethi ve ṡâd’ın teşdîdiyle) Bir haberi isnâd ile kâ΄iline dek refʹ eylemek maʹnâsınadır; yukâlu: نَصَّ الْحَدِيثَ إِلَيْهِ نَصًّا مِنَ الْبَابِ الْأَوَّلِ إِذَا رَفَعَهُ إِلَيْهِ Ve davarın yürümesinin gâyetini istihrâc için şiddetle sürmek maʹnâsınadır; yukâlu: نَصَّ نَاقَتَهُ إِذَا اسْتَخْرَجَ أَقْصَى مَا عِنْدَهَا مِنَ السَّيْرِ Ve tahrîk eylemek maʹnâsınadır; yukâlu: نَصَّ الشَّيْءَ إِذَا حَرَّكَهُ ve minhu yukâlu: فُلاَنٌ يَنُصُّ أَنْفَهُ غَضَبًا أَيْ يُحَرِّكُهُ Ve metâʹı birbiri üzere dizip istif eylemek maʹnâsınadır; yukâlu: نَصَّ الْمَتَاعَ إِذَا جَعَلَ بَعْضَهُ فَوْقَ بَعْضٍ Ve bir kimseden bir şey΄in nihâyetini soruşturup ötesini araştırmak maʹnâsınadır; yukâlu: نَصَّ فُلاَنٌ إِذَا اسْتَقْصَى مَسْأَلَتَهُ عَنِ الشَّيْءِ Ve gelini düğün günlerinde sandalı üzere oturtmak maʹnâsınadır ki ʹArabistân’da müteʹâreftir, gelip gidenler temâşâ ederler; yukâlu: نَصَّ الْعَرُوسَ إِذَا أَقْعَدَهَا عَلَى الْمِنَصَّةِ Ve bir nesneyi izhâr ve beyân kılmak maʹnâsınadır; yukâlu: نَصَّ الشَّيْءَ إِذَا أَظْهَرَهُ Ve bir kavl ve fiʹli re΄îs-i ekbere isnâd edip onda tevkîf eylemek maʹnâsınadır; yukâlu: نَصَّهُ إِلَى الرَّئِيسِ الْأَكْبَرِ إِذَا أَسْنَدَهُ وَوَقَّفَهُ فِيهِ Ve bir nesneyi eşyâdan bir şey üzere taʹyîn eylemek maʹnâsınadır; yukâlu: نَصَّهُ إِذَا عَيَّنَهُ عَلَى شَيْءٍ مَا

Vankulu Lugatı - النص maddesi

اَلنَّصُّ [en-naṡṡ] (nûn’un fethi ve ṡâd’ın teşdîdiyle) Sürmek; yukâlu: نَصَصْتُ نَاقَتِي Ve Aṡmaʹî eyitti: نَصٌّ [naṡṡ] seyr-i şedîde derler, bir mertebe ki kâdir olduğundan nesne ketm etmeye. Ve mezbûr eyitti: bu sebebden نَصٌّ [naṡṡ] refʹ maʹnâsına gelir; yukâlu: نَصَصْتُ الشَّيْءَ إِذَا رَفَعْتَهُ Ve

نَصٌّ [naṡṡ] Bir kimseden bir kimseyi mübâlaga ile sorup teftîş etmek bir mertebede ki onun kalbinde bildiği nesneden bâkî kalmaya. Ve

نَصٌّ [naṡṡ] Her nesnenin müntehâsına dahi derler. Ve fî hadîsi ʹAlî radıyallâhu ʹanhu: “إِذَا بَلَغَ النِّسَاءُ نَصَّ الْحِقَاقِ” Yaʹnî müntehâ-yı bülûg-ı ʹakla erişse. Ve حِقَاقٌ [ḩiḵâḵ] حِقَّةٌ [ḩiḵḵat]ın cemʹidir ḩâ-i mühmelenin kesriyle yüke yarayan deve maʹnâsına.