Kamus-ı Muhit - النمش maddesi

اَلنَّمَشُ [en-nemeş] (fethateynle) Siyâh ve beyâz beneklere denir ki bir nesnenin asl rengine muhâlif olur. ʹAlâ-kavlin beşerede alacalığa denir ki asl rengine muhâlif olur. Etıbbânın نَمَشٌ [nemeş] taʹbîr ettikleri ʹârıza bu maʹnâ iʹtibârıyladır. Ve o yüze ʹârız olur, mercimek gibi siyâh noktalardır ki demin veyâ safrânın ihtirâkından hâdis olur. Ekserî yiğitlerde ve hatunlarda tahaddüs eder ki çığıt taʹbîr olunur; husûsan yaz günlerinde çok olur. Ve pul pul beyâz ve sevâd noktaları olan ata ki bakla kırı taʹbîr olunur, أَنْمَشُ [enmeş] dedikleri bu cihettendir. Ve نَمَشٌ [nemeş] bu maʹnâda masdar olur; yukâlu: نَمِشَ الرَّجُلُ نَمْشًا مِنَ الْبَابِ الرَّابِعِ إِذَا صَارَ فِيهِ نَمَشٌ أَيْ نُقَطٌ بِيضٌ وَسُودٌ أَوْ بُقَعٌ تَقَعُ فِي الْجِلْدِ تُخَالِفُ لَوْنَهُ Ve

نَمَشٌ [nemeş] Alaca makûlesinin hutût-ı münakkaşalarına denir.

اَلنَّمِشُ [en-nemiş] (كَتِفٌ [ketif] vezninde) Şol deveye denir ki tabanında mahsûs dâg ve nişânesi olmakla onun nakşıyla izi mütebeyyen olur; yukâlu: بَعِيرٌ نَمِشٌ إِذَا كَانَ فِي خُفِّهِ أَثَرٌ يَتَبَيَّنُ فِي الْأَرْضِ مِنْ غَيْرِ أُثْرَةٍ Ve namlusu yol yol cevherli olan kılıca denir; yukâlu: سَيْفٌ نَمِشٌ إِذَا كَانَ فِيهِ شُظَبٌ

اَلنَّمْشُ [en-nemş] (nûn’un fethi ve mîm’in sükûnuyla) Koğuculuk eylemek maʹnâsınadır; yukâlu: نَمَشَ الرَّجُلُ نَمْشًا مِنَ الْبَابِ اْلأَوَّلِ إِذَا نَمَّ Ve fısıldamak maʹnâsınadır; yukâlu: نَمَشَ فِي أُذُنِهِ إِذَا سَارَّ Ve yerden bir nesneyi ʹabes ve beyhûde sûretini irâ΄et ederek kaldırmak maʹnâsınadır ki kaldırdığını âhere bildirmemek cihetiyle olacaktır; yukâlu: نَمَشَ مِنَ الْأَرْضِ إِذَا الْتَقَطَ كَالْعَابِثِ Ve yalan söylemek maʹnâsınadır; yukâlu: نَمَشَ الرَّجُلُ إِذَا كَذَبَ Ve çekirge yerde olan ekin ve otluk makûlesini ekl eylemek maʹnâsınadır; yukâlu: نَمَشَ الْجَرَادُ الْأَرْضَ إِذَا أَكَلَ مَا عَلَيْهَا

Vankulu Lugatı - النمش maddesi

اَلنَّمَشُ [en-nemeş] (fethateynle) Siyâh ve beyâz noktalardır.

اَلنَّمِشُ [en-nemiş] (nûn’un fethi ve mîm’in kesriyle) Noktaları olan nesne; ve minhu ثَوْرٌ نَمِشٌ Ve

ثَوْرٌ نَمِشٌ [šamp;evrun nemiş] Şol yaban sığırıdır ki onun noktaları vardır.