اَلْهَلْهَلَةُ [el-helhelet] (زَلْزَلَةٌ [zelzelet] vezninde) Bezi ihtimâmsız gevşek ve pazarî dokumak maʹnâsınadır; yukâlu: هَلْهَلَ الثَّوْبَ النَّسَّاجُ إِذَا نَسَجَهُ سَخِيفًا Ve bir nesneye pek yaklaşıp çatmak maʹnâsınadır; yukâlu: هَلْهَلَ يُدْرِكُهُ أَيْ كَادَ Ve savtı döndürerek ezgiye almak maʹnâsınadır, hânendelerin tercîʹleri gibi; yukâlu: هَلْهَلَ الصَّوْتَ إِذَا رَجَّعَهُ Ve bir husûsta mehl ve te΄ennî ile hareket edip encâmına muntazır olmak maʹnâsınadır; yukâlu: هَلْهَلَ الرَّجُلُ فِي الْأَمْرِ إِذَا انْتَظَرَ وَتَأَنَّى Ve unu bir saḣîf nesne ile elemek maʹnâsınadır; yukâlu: هَلْهَلَ الطَّحِينَ إِذَا نَخَلَهُ بِشَيْءٍ سَخِيفٍ Ve at kısmını hellâ diye zecr ve izâr eylemek maʹnâsınadır; yukâlu: هَلْهَلَ بِفَرَسِهِ إِذَا زَجَرَهُ بِهَلًّا
اَلْهَلْهَلَةُ [el-helhelet] (ʹalâ-vezni اَلزَّلْزَلَة [ez-zelzelet]) Bezi yufka dokumak; yukâlu: هَلْهَلَ النَّسَّاجُ الثَّوْبَ إِذَا أَرَقَّ نَسْجَهُ وَخَفَّفَهُ Ve karîb olmak maʹnâsına da istiʹmâl olunur; yukâlu: هَلْهَلْتُ أُدْرِكُهُ كَمَا يُقَالُ كِدْتُ أُدْرِكُهُ
Sitemizde detaylı hızlı ve kolay arama ekranı