Zemaḣşerî Muḵâddimetu’l-Edeb’de هَامَّةٌ [hâmet]i “cünbende” ile yaʹnî müteharrik olup mûzî ve muhavvif olan küçük cânver ile tefsîr eylemiştir, keler ve sûsmâr ve ʹakreb ve yılan ve fâre ve köstebek gibi ve حَشَرَةٌ [ḩaşeret]i cünbende-i hurd yaʹnî müteharrik olan küçük böcekler ile beyân eylemiştir, karınca ve ʹankebût ve çekirge ve sülük ve çıyan ve خُنْفَسَاءُ [ḣunfesâ΄] gibi. Bunlar aslâ arzdan müfârakat eylemeyip dâ΄imâ arzda müctemiʹ oldukları bâʹis-i tesmiyedir. İntehâ. Ve
حَشَرَةٌ [ḩaşeret] Hubûbât kısmının iç kabuğuna denir. Zîrâ hubûbâtta iki kabuk olur, taşra kabuğuna قَصَرَةٌ [ḵaṡarat] ve üzerine mukârin olana حَشَرَةٌ [ḩaşeret] denir. Cemʹ-i cinsi حَشَرٌ [ḩaşer]dir, hâ’sız. Ve
حَشَرَةٌ [ḩaşeret] Şikâr olunacak hayvânın mecmûʹuna denir, ʹalâ-kavlin ʹazîmine yâhûd me΄kûl olanına denir, tavşan ve ceyran gibi.
Sitemizde detaylı hızlı ve kolay arama ekranı