اَلْحَشْرَجُ [el-ḩaşrec] (şîn-i muʹceme ile جَعْفَرٌ [caʹfer] vezninde) Çakıllı yerde olan eşmelere denir. Ve şol bardağa denir ki Mekke bardağı gibi yufka ve nâzük ve latîf ve nazîf olmakla suyunu süzer ola; tekûlu: سَقَانِي بِالْحَشْرَجِ أَيْ بِالْكُوزِ الرَّقِيقِ الْحَارِيِّ Ve baʹzı dağlarda olan hılkî oyma çukura denir ki yağmur suyu irkilip turna gözü gibi duru ve sâfî olur. Ve
حَشْرَجٌ [Ḩaşrec] Aʹlâm-ı nâstandır. Ve كَذَّانُ اْلأَرْضِ [kežžânu’l-arḋ] maʹnâsınadır ki küfeki taʹbîr olunan gevşek taşlara denir; müfredi حَشْرَجَةٌ [ḩaşrecet]tir hâ’yla. Ve
حَشْرَجَةٌ [ḩaşrecet] (دَحْرَجَةٌ [daḩrecet] gibi masdar olur, muhtazar hasta mevt hâlinde gargara-i nefes eylemek maʹnâsına; yukâlu: حَشْرَجَ الْمَرِيضُ إِذَا غَرْغَرَ عِنْدَ الْمَوْتِ وَرَدَّدَ النَّفَسَ Ve merkeb âvâzını boğazında terdîd eylemek maʹnâsınadır; yukâlu: حَشْرَجَ الْحِمَارُ إِذَا رَدَّدَ صَوْتَهُ فِي حَلْقِهِ Mü΄ellif bunları müsâmahaten ism sûretinde resm eylemiştir, lâkin masdarlardır.
Sitemizde detaylı hızlı ve kolay arama ekranı