اَلسَّامِرَةُ [es-Sâmiret] (عَامِرَةٌ [ʹâmiret] vezninde) Beyne’l-Ḩaremeyn bir karye adıdır. Ve
سَامِرَةٌ [Sâmiret] Yehûd kavminden bir tâ΄ifeye ıtlâk olunur ki baʹzı ahkâmlarında onlara muhâlefet ederler. Meselâ Hazret-i Mûsâ’dan sonra peygamber baʹs olunmadığına zâhib olurlar ve bir kimse kendilere dokunacak olsa لاَ مِسَاسَ derler ve Nâbulus şehrini kıble ittihâz ederler. Ve onlar iki sınftır: birine Dûşân ve birine Kûşân derler. Ve Mûsâ ʹaleyhi’s-selâm münâcâta gittikten sonra altından buzağı düzüp ve ona ʹibâdet eden yehûdî ki سَامِرِيٌّ [Sâmiriyy] derler idi, Kirmâniyyü’l-asl bir عِلْجٌ [ʹilc] ve fürû-mâye şahs idi, ʹalâ-kavlin ʹuzamâ-yı Benî-İsrâ΄îl’den idi ve o Sâmire nâm mevziʹe mensûbdur.
Sitemizde detaylı hızlı ve kolay arama ekranı