سُبْحَانَ اللهِ [subḩânallâhi] Tesbîh maʹnâsınadır ki ʹalem masdardır, Hak taʹâlâyı sâhibeden yaʹnî zevceden ve veledden ve sâ΄ir nakâyıstan tenzîh ve takdîs maʹnâsına dâlldir. Ve سُبْحَانَ [subḩâne] kelimesi maʹrife olmakla gayr-i münevvenedir, zîrâ ʹalem-i tesbîhtir ve masdariyyet üzere mansûbdur, gûyâ ki أُبَرِّئُ اللهَ مِنَ السُّوءِ بَرَاءَةً sebkindedir ki “Hak taʹâlâyı bi’t-te΄kîd ve’l-mübâlaga sıfât-ı nakâyıstan ve şân-ı ulûhiyyete münâfî izâfâttan kemâliyle tenzîh ve takdîs ederim”, yaʹnî böylece iʹtikâd ve ikrâr ederim demektir. Ve ʹinde’l-baʹz imtisâl-i emr-i şerîfine sürʹat ve tâʹat ve ʹibâdetine saʹy ve mübâderet ederim demektir.
Sitemizde detaylı hızlı ve kolay arama ekranı