اَلْبَرْزَخُ [el-berzaḣ] (bâ’nın ve zâ-yı muʹcemenin fethiyle) İki nesne arasında hâciz ve hâ΄il olan fâsıla ve hicâba denir. Bu münâsebetle vakt-i mevtten kıyâmete kadar yaʹnî dünyâ ve âhiret beyninde olan ʹâleme ıtlâk olunur. Ve بَرْزَخٌ [berzaḣ] lafzının cemʹi بَرَازِخُ [berâziḣ] gelir. Şârihin beyânına göre berzen-i Fârisî muʹarrebidir ki kûçe ve tarîk-i vâsiʹ maʹnâlarınadır. Ve بَرَازِخُ اْلإِيمَانِ evvel-i îmânla âhiri mâ-beyni yâhûd şekk ile yakîn beyninden ʹibârettir. Mü΄ellif bununla işbu hadîse işâret eylemiştir. Kâle fi’n-Nihâye: وَمِنْهُ حَدِيثُ عَبْدِ اللهِ وَقَدْ سُئِلَ عَنِ الرَّجُلِ يَجِدُ الْوَسْوَسَةَ فَقَالَ “تِلْكَ بَرَازِخُ اْلإِيمَانِ” يُرِيدُ بَيْنَ أَوَّلِهِ وَآخِرِهِ فَأَوَّلُهُ اَلإِيمَانُ بِاللهِ وَرَسُولِهِ وَأَدْنَاهُ يَعْنِي آخِرُهُ إِمَاطَةُ اْلأَذَى عَنِ الطَّرِيقِ أَوْ أَرَادَ مَا بَيْنَ الشَّكِّ وَالْيَقِينِ
اَلْبَرْزَخُ [el-berzaḣ] (bâ’nın fethi ve râ-i mühmelenin sükûnuyla) İki nesne arasında mâniʹ olan şey΄. Ve
بَرْزَخٌ [berzaḣ] Dünyâ ile âhiret beynine dahi derler, hîn-i mevtten zamân-ı baʹse varınca; pes şol kimse ki vefât ede بَرْزَخٌ [berzaḣ]a dâhil olur.
Sitemizde detaylı hızlı ve kolay arama ekranı